प्रेम देवान
विराटनगर २२ बैसाख
मिस्टर एण्ड मिस एसएलसी कोशी २०७३ को बन्द सत्रको प्रशिक्षण तालिम मंगलबारबाट सुरु भएको छ । गत बैसाख १५ गते पहिलो अडिसनबाट छानिएका १५ जना छात्र र १५ छात्रा गरी ३० जनालाई विराटनगरको नमस्कार होटलमा प्रशिक्षण तालिम सुरु गरिएको हो ।
जय मिडिया म्यानिजमेन्ट प्रा. लि. को आयोजनामा भर्खरै एसएलसी परीक्षा दिएका विद्यार्थीलाई लक्षित गरी प्रतियोगिता गरीएको आयोजकको दावी छ। मोफसलमा रहेका युवाहरुको व्यक्तित्व विकास गर्नुको साथै उनीहरुलाई पढाईप्रति लगाभ राख्ने उद्देश्यले प्रतियोगिता आयोजना गरेको म्यानिजमेन्टका निर्देशक जयराज रायले जानकारी दिए ।
आज देखी सुरु गरिएको तालिमको कोरियोग्राफि मोडल तथा नायक जय शर्मा र मोडल रक्षा खत्रीले गरेका छन् । आगमी जेठ १५ गते हुने फाइनलको विजेताले विराटनगरमा रहेको शिक्षादीप कलेजमा कक्षा १२ सम्म निः शुल्क रुपमा अध्ययन गर्न पाउने भएका छन् । फस्ट रनरअप हुनेलाई ७५ र सेकेन्ड रनरअप हुनेलाई ५० प्रतिशत छात्रवृद्धी रहेको निर्देशक रायले बताए ।
