सप्तरी, बैशाख २७ गते ।
सप्तरीको शम्भुनाथमा आइतबार सांझ ट्रकले ठक्कर दिएर साइकलमा सवार एक युवतीको मृत्यु भएको छ।
ना ५ ख १९२४ नम्बरको ट्रकको ठक्करबाट कुशाहा १ की १७ वर्षिया मनकामना चौधरीको उपचारकाक्रममा मृत्यु भएको इलाका प्रहरी कार्यालय कडोरवनाले जनाएको छ।
चौधरीलाई सांझ सवा सात बजेतिर पश्चिमबाट पूर्वतर्फ आउदै गरेको ट्रकले शम्भुनाथ नगरपालिका ५ स्थित राजमार्गमा ठक्कर दिएको थियो। ठक्करबाट गम्भीर घाइते भएकी चौधरीलाई उपचारकालागी विपी कोइराला स्वास्थ्य बिज्ञान प्रतिष्ठान धरान लगिएकोमा उनको सोही प्रतिष्ठानमा उपचारकाक्रमममा मृत्यु भएको हो।
ठक्कर दिने ट्रक तथा चालकलाई जिल्ला ट्राफिक प्रहरी कार्यालय सप्तरीको नियन्त्रणमा रहेको छ।
