सुन्दरहरैँचा । बेलबारीमा प्रथम माेरङ बेलबारी वडा स्तरीय डोरीतान प्रतियोगिता हुने भएको छ ।
यहि चैत २५ गते शनिबार बेलबारी ४ स्थित बेतना युनाईटेडको खेल मैदानमा डोरीतान नगर समितिले प्रतियोगिता गर्न लागेको आयाेजकले पत्रकार सम्मेलनमा उल्लेख गरेको छ ।
यस अघि नगरस्तरीय प्रतियोगिता आयोजना गरिसकेको समितिले वडास्तरीय प्रतियोगिता आयोजना गर्न लागेको हाे । प्रतियोगितामा अनुमानित ४ लाख खर्च हुने र २ लाख नगरपालिकाले सहयोग गर्ने समितिकी अध्यक्ष शितल रायले जानकारी दिइन् । उनले प्रतियोगितामा बेलबारीका ११ वडाबाट खेलाडीहरू सहभागी हुने उल्लेख गरिन्।
प्रतियोगितामा प्रथम हुनेले रू २५ हजार नगद ,दोस्रो हुनेले १५ हजार नगद, बेष्ट टिमले ५ हजार नगद, अनुशासित टिमले ५ हजार नगद, बेष्ट कोचले २ हजार ५ सय नगद तथा ट्रफी र प्रमाणपत्र पाउने आयाेजकले बताएको छ । प्रतियाेगिताकाे उदघाटन नगर प्रमुख दिलप्रसाद राइले गर्ने आयाेजकले बताएको छ ।
