झापा । झापाको कन्काई नगरपालिका-३ निवासी ४५ बर्षीया सुनिता कार्कीलाई श्रीमानको हत्या गरेको आरोपमा प्रहरीले पक्राउ गरेको छ ।
श्रीमती कार्की र श्रीमान ५३ बर्षीय टेक बहादुर कार्कीबीच घरायसी झगडा हुदाँ गत बैशाख ८ गते घाईते भई उपचारका लागि अस्पताल भर्ना गरिएको थियोे ।
श्रीमतीको कुटपिटबाट घाइते श्रीमानको उपचार प्रादेशीक अस्पताल भद्रपुरमा भएको थियो ।
उपचार पश्चात घर ल्याएको भएपनि बैशाख २४ गते बिहान घरैमा मृत्यु भएको थियोे ।
ईलाका प्रहरी कार्यालय अनारमनीले कार्कीको मृत्यु भएपछि सुनितालाई पक्राउ गरेर घटना सम्बन्धमा थप अनुसन्धान सुरु गरेको हो ।
