सुनसरी । सुनसरीको इटहरी उपमहानगरपालिका-२० तरहरा स्थितबाट दुर्लभ यार्सागुम्बा सहित २ जनालाई प्रहरीले पक्राउ गरेको छ ।
बिहिबार दिउसो साढे ३ बजे प्रहरी चौकी तरहराबाट चेकिङमा खटिएको प्रहरी टोलीले धरानबाट इटहरी तर्फ आउदै गरेको को.२ह १०७ नम्बरको अटोटेम्पो रोकी चेकजाँच गर्ने क्रममा कार्टुनमा प्याक गरेको अवस्थामा अवैधरुपमा ८ किलो २५० ग्राम यार्सागुम्वा बरामद गरेको हो ।
यार्सागुम्बा बरामद भएसंगै ओसार पसारमा संलग्न रहेकि धरान उपमहानगरपालिका-३ कि ४२ बर्षीया छजुङ्ग भोटे र अटोटेम्पो चालक धरान-१९ का ४३ बर्षीय पुष्पराज राई समेतलाई पक्राउ गरी आवश्यक कारवाहीको लागि सवडिभिजन वन कार्यालय तरहरा, सुनसरीमा बुझाएको छ।
घटना बारेमा इलाका प्रहरी कार्यालय इटहरीबाट थप अनुसन्धान भईरहेको प्रहरीले जनाएको छ ।
