झापा । झापाको कमल गाउँपालिका-३ स्थित भित्रि सडक खण्डमा बसको ठक्करबाट १ जना बालकको मृत्यु भएको छ ।
बिहिबार बिहान मे.१ख १५१८ नम्बरको यात्रु वाहक बसले ठक्कर दिदा स्थानीय कमल थापाको ५ बर्षीय छोरा जनम थापा घाईते भएका थिए।
घाईते थापालाई तत्काल उपचारको लागि आम्दा अस्पताल दमक लगिएकोमा चेक जाँचको क्रममा डाक्टरले मृत घोषणा गरेको हो ।
ठक्कर दिने बस र चालक कमल गाउँपालिका-२ का शम्भु साहलाई इलाका प्रहरी कार्यालय दमकले नियन्त्रणमा लिई घटना सम्वन्धमा थप अनुसन्धान गरिरहेको प्रहरीले जनाएको छ ।
