-किस्मत खतिवडा
खुसी खोज्दा खोज्दै एकदिन जिन्दगी सकिन्छ
बरु दुश्मनले साथ देला आफन्तले चोट दिन्छ
दु :ख परेको बेला कसैले चिन्दैनन् तपाईलाई
टन्न पैसा बोकेर हिड्नुस पराईले पनि चिन्छ
दुनियाँ स्वार्थी छ महोदय, यो कलियुग हो
यहाँ औकात धनको तराजुमा जोखिन्छ
कसै माथि विश्वास गर्ने जमाना छैन यहाँ
मुखमा राम राम बगलीमा छुरा हुने भेटिन्छ
समय, मौसम र मान्छे एकै भन्ने सुनेको थिए
हो रहेछ, थाहै नहुने को कतिबेला बदलिन्छ
जिन्दगी पनि एक गन्तब्य विहिन यात्रा भयो
कहाँ पुगेपछि दोबाटो आउँछ, बाटो मोडिन्छ
