विराटनगर असार २८, विराटनगरमा क्रियाशिल पत्रकारद्वारा स्थापित सञ्चारकर्मी सञ्चार सहकारी संस्था लि द्वारा स्थापित मेम्बर चन्द्रलाल–दुर्गादेवी युवा सक्रिय पुरस्कार र मिना श्रेष्ठ महिला सक्रिय पुरस्कार २०७३ बाट बिराटनगरका दुई पत्रकारलाइ पुरस्कृत गरिएको छ ।
सोमबार सहकारीको पाँचौं स्थापना दिवसको अवसरमा नेपाल टेलिभिजनका पत्रकार मोहन मानन्धर र इन्क मासिककी सम्पादक इन्दिरा भट्टराईलाई पुरस्कृत गरिएको हो ।
पुनरावेदन अदालतका निमित्त मुख्य न्यायधिश कुमारप्रसाद पोखरेलले उहाँहरुलाई पुरस्कार प्रदान गर्नुभएको थियो । पुरस्कृत मानन्धरलाई २१ हजार नगद राशीको मेम्बर चन्द्रलाल–दुर्गादेवी यूवा सक्रिय पत्रकारिता पुरस्कार र भट्टराई नगद दश हजार राशीको मिना श्रेष्ठ सक्रिय महिला पत्रकारिता पुरस्कारले पुरस्कृत गरिएको हो ।
