मोरङ, असार २९
मोरङको हात्तीमुढा–८ स्थित कोसी राजमार्गमा मंगलबार बसको ठक्करबाट मोटरसाइकलमा सवार एक महिलाको मृत्यु भएको छ ।
विराटनगरबाट इटहरीतर्फ आउँदै गरेको को ५ प १५२५ नम्बरको मोटरसाइकललाई पछाडिबाट आउँदै गरेको ना ५ ख ६५८४ नम्बरको बसले अपरान्ह २;३० बजे ठक्कर दिँदा दुर्घटना भएको थियो।
दुर्घटनामा परी मोटरसाइकलको पछाडि सवार सुनसरीको धरान–१५ बस्ने अम्बिकादेवी अधिकारीको घटनास्थलमै मृत्यु भएको हो । ठक्कर दिने बस र चालकलाई इलाका प्रहरी कार्यालय निमुवाले नियन्त्रणमा लिएको छ ।
