बिराटनगर असार ३० : बिराट फुटसल कप २०७३ को आयोजक टिमले बिहीबार सम्पन्न मैत्रीपूर्ण खेलमा विजयी भएको छ। मकालु टेलिभिजनको टिमलाई ८-९ को गोल अन्तरले पराजित गरि विजयी भएको हो ।
हिट एण्ड ह्ययाङआउट फुटसलमा सम्पन्न रोमाञ्चक खेलमा मकालुका तर्फबाट भुवन लम्सालले ६ गोल तथा दिपेश सुवेदीले २ गोल गरेका थिए । यता विजयी टिमबाट गोकुल कार्कीले ४, आदेश तान्दुकरले ३ र बेबिन शाक्य र सरोज लम्सालले समान १-१ गोल गरी टिमलाई विजयी बनाएका थिए ।
खेलको म्यान अफ दि म्याच मकालुका भुवन लम्साल घोषित भए । आगामी साउन २९ गतेदेखि शुरु हुने बिराट फुटसल कपको प्रचारप्रसारका लागिउक्त खेल खेलाइएको आयोजक बिबेक दाहालले बताए । 
बिराट फुटसल कपको आयोजना आवर बिराटनगर डट नेट र हिट एण्ड ह्ययाङआउट फुटसलले संयुक्त रुपमा गर्दैछन् ।
