विराटनगर । टी-२० विश्वकप छनोटअन्तर्गत शुक्रबार हुने नेपाल र संयुक्त अरब इमिरेट्स (यूएई) बिचको सेमिफाइनल खेल घरमै बसेर हेर्न समर्थकहरुसँग नेपाल क्रिकेट संघ (क्यान) ले आग्रह गरेको छ ।
नेपाल र यूएईबिचको सेमिफाइनल खेल मुलपानी क्रिकेट मैदानमा खेल बिहान ११ बजे सुरु हुनेछ । नेपाल र यूएईबिचको सेमिफाइनल खेलको ३५ सय मात्रै टिकट मात्रै बिक्री गर्ने क्यानले जनाएको छ ।
क्यानले बिहिबार एक प्रेस विज्ञप्ति जारी गर्दै मात्रै ३५ सय टिकट मात्र बिक्री गर्ने जनाएको हो । नेपाल क्रिकेट संघ (क्यान)ले बिहीबार एक सूचना प्रकाशित गर्दै भोलि शुक्रबार मुलपानीस्थित माथिल्लो मुलपानी क्रिकेट मैदानमा हुने नेपाल र युएईबीचको सेमिफाइनल खेल सकेसम्म घरमै बसेर हेर्न दर्शकलाई अनुरोध गरेको छ ।
‘सेमिफाइनल खेलका लागि मात्र तीन हजार पाँच सय टिकट अनलाइनमार्फत आईएमई पेबाट काट्न सकिने जानकारी गराउँछौँ । मैदानमा टिकट बुथ हुने छैन । तसर्थ निश्चित संख्यामा उपलब्ध हुने सेमिफाइनल खेलको टिकट आईएमई पेमार्फत काट्न अनुरोध छ । सम्पूर्ण दर्शकलाई नेपालको सेमिफाइनल खेल सकभर घरमै बसेर हेर्नु हुन हामी हार्दिक अनुरोध गर्दछौं,’ क्यानले भनेको छ ।
उक्त खेलमा क्यानले सबै किसिमका पासलाई पनि रोक लगाउने भएको छ । भिभिआईपी, भिआइपी लगायत सबै पास रोकिएको क्यानले जनाएको छ । क्यानले दर्शकको भिड बढी हुने हुँदा दर्शकको सिट क्षमता मात्रै ब्रिकी गर्ने भएको छ ।
भिड बढी हुने हुँदा मुलपानी क्रिकेट मैदानमा सुरक्षामा चुनौती हुनसक्ने अनुमान गरेको छ ।
