विराटनगर । इन्टरनेट सेवा प्रदायक वर्ल्डलिङ्क कम्युनिकेसन्शले विराटनगरका विद्यालयका विद्यार्थीलाई अनलाईन दुर्व्यवहार सम्बन्धि सचेतनामूलक कार्यक्रम सम्पन्न गरेको छ ।
पुल्चोक इन्जिनियरिङ क्याम्पसका विद्यार्थीहरुको संगठन लोकससँगको सहकार्यमा अनलाईन दुर्व्यवहारको बारेमा सचेतना मुलक कार्यक्रम आयोजना गरिएको हो ।
आइतबार पोखरिया, आदर्श तथा कोशी विद्या मन्दिरका विद्यार्थीहरूको लागि अनलाइन दुर्व्यवहारको बारेमा सचेतना मुलक कार्यक्रम आयोजना गरेको वर्ल्डलिङ्क कम्युनिकेशन्शले जनाएको छ।
डिजिटल सुरक्षा शिक्षाबाट सुरु हुन्छ भन्ने मान्यताका साथ वर्ल्डलिङ्कले वर्ल्डलिङ्क इन्टरनेट एकेडेमी (डब्लु आए ए ) ट्याकलिङ डिजिटल ह्यासमेन्ट प्रोजेक्ट अन्तर्गत नेपालका सातै प्रदेशका विभिन्न सामुदायिक विद्यालयमा उक्त कार्यक्रम गर्दै आएको छ।
डिजिटल उत्पीडन अर्थात डिजिटल हर्यास्मेण्ट जसलाई अनलाइन हर्यास्मेण्ट (उत्पीडन) वा साइबर हर्यास्मेण्ट पनि भनेर बुझिने र डिजिटल प्लेटफर्महरू मार्फत गरिने दुर्व्यवहारका विभिन्न रूपहरू जस्तै : साइबरबुलिङ, अनलाइन स्टकिङ, डक्सिङ, रिभेन्ज पोर्न, ट्रोलिङ, घृणायुक्त शब्दहरु, र अनलाइन गेमिङमा हुने उत्पीडनहरुको जानकारी यस्ता दुर्व्यवहारबाट हुने हानी र सुरक्षित रहने उपायको बारेमा सचेतना कार्यक्रम गरिएको वर्ल्डलिङ्कले जनाएको छ।
उक्त सचेतना कार्यक्रममा कक्षा ८ , ९ र १० का ५०० भन्दा बढी विद्यार्थीहरुको सहभागिता रहेको थियो
