वीर अस्पतालको पुरानो आईसीयूमा रहेकी गंगामाया अधिकारीलाई सोमबार साँझ उच्च ज्वरो देखिएको छ ।
दोस्रो पटक १९ दिनदेखि आमरण अनशनमा रहेकी अधिकारीलाइ सोमबार राति १०५ डिग्री ज्वरो देखिएको कामु निर्देशक डा.भूपेन्द्र बस्नेतले जानकारी दिए ।
गंगामायालाई संक्रमणको आशंका गर्दै तत्काल एन्टिबायोटिक औषधि चलाइएको छ । माओवादी द्वन्द्वकालमा मारिएका आफ्नो निर्दोष छोराका हत्यारालाई कानुनी कारबाहीको माग गर्दै गंगामायाले दोस्रो पटक अनशन सुरु गरेकी हुन् ।
११ महिना लामो आमरण अनशनकै क्रममा उनका श्रीमान नन्दप्रसाद अधिकारीको मृत्यु भएको थियो ।
