विराटनगर । विराटनगर ९ मा रहेको हिमालय दर्शन कलेजका विद्यार्थीले एक अर्कालाई उपहार दिएर क्रिसमस डे मनाएका छन् ।
कलेज परिसरमा सोमबार एक कार्यक्रम आयोजना गरि विभिन्न संकायका विद्यार्थीहरु भेला भई भव्य रुपमा क्रिसमस डे मनाएका हुन् । कलेजका संचालक तथा विभागिय प्रमुख र सेन्टाले क्रिसमस लेखिएको केक काटेर क्रिसमस डेको कार्यक्रम सुरुवात गरेका थिए ।
कार्यक्रममा विद्यार्थीहरुले साँकृतिक कार्यक्रम अन्तर्गत नृत्य ,गीत र कविता वाचन समेत प्रस्तुत गरेका थिए । साथै कार्यक्रममा विद्यार्थीहरुले एक अर्कामा उपहार समेत साटासाट गरेका थिए ।
कार्यक्रममा कलेजका निर्देशक शैलेन्द्र सिवाकोटी, प्रिन्सीपल भरत सापकोटा ,आइटी डिपाटमेन्ट प्रमुख सुमित साह, व्यवस्थापक प्रमुख भुपाल मिश्रा, एच एम डिपार्टमेन्ट प्रमुख अन्जु भुजेल लगायलको समेत उपस्थित थियो । कलेजले बेला बेलामा पढाईका अतिरिक्त सामाजिक कार्य सँगै मनोरन्जात्मक कार्यक्रमलाई पनि अगाडी बढाउदै आएको छ ।
