विराटनगर । सिद्धार्थ बैंकको विराटनगर शाखाले बैंकको २१ औं वार्षिकोत्सवको अवसरमा रक्तदान कार्यक्रम आयोजना गरेको छ ।
नेपाल रेडक्रस सोसाईटी विराटनगर रक्तसंचार सेवा केन्द्रसँगको सहकार्यमा बुधबार वार्षिकोत्सवको अवसरमा बैंकले रक्तदान कार्यक्रम आयोजना गरेको हो।
बैंकले आयोजना गरेको रक्तदान कार्यक्रममा ८० जनाले रक्तदान गरेका सिद्धार्थ बैंकको विराटनगर शाखाले जनाएको छ ।
समाजप्रतिको उत्तरदायित्व निर्वाह गर्ने क्रममा संकलित रगतले सम्बन्धित बिरामीलाई आवश्यक सहयोग पुर्याउने अपेक्षा गरिएको बताईएको छ ।
रक्तदाताहरुलाई बैंकका तर्फबाट बैंकका कोशी प्रदेश प्रमुख कमल बस्नेतले प्रमाण पत्र समेत प्रदान गरेका थिए।
बैंकले देशभरका विभिन्न शाखामा आफ्नो २१ औं वार्षिकोत्सवको अवसरमा विभिन्न सामाजिक कार्य एवं अन्तर प्रदेश स्तरीय खेलकुद कार्यक्रम पनि गरेको थियो।
हाल यस सिद्धार्थ बैंकले १९६ शाखा कार्यालय, २२६ वटा ए.टि.एम मेसिन तथा ७३ शाखारहित बैंकिङ्गको माध्यमबाट ग्राहक वर्गलाई नविनतम सेवा तथा सुविधाहरु प्रवाह गराईरहेको बैंकले जनाएको छ।
