-दिपक कटुवाल
थाकेको हैन बस थकान मेटदै छु
एक घुट्की प्यास मेटाउन जिउँदै छु
देख्नेले त यहाँ सधै हासी खुशी नै देख्छन
उसकै लागि मेहनतको श्रम पसिनामा साट्दै छु
सपना ठुला होलान सबैको महलमा रमाउने
खै किन हो म त आफ्नै झुपडीलाइ सिङ्गार्दै छु
आँसु सगै लतपतिएका छन विश्वासघातहरु
तर पनि खुशी भएर जिउने हिम्मत बटुल्दै छु
टुटेका मनहरु जोडेर सुरु गर्नु छ नयाँ दिन
त्यसैले एक घुट्की प्यास मेटाउन जिउँदै छु
खादबारी-८,संखुवासभा
