-लक्ष्मण निरौला
झरी पर्दा झोक्राउछ
घाम लाग्दा प्रफुल्ल हुन्छ
तर
अपरिचित र उपेक्षित झैँ लाग्छ
एक्लो मानिस!
धेरै मानिसहरु
एक्लो मानिसलाई नचिन्लान
तर
एक्लो मानिस
धेरै मानिसहरुलाई चिन्दछ ,
धेरै व्यक्तिहरुले
एक्लो मानिसको कुरा नसुन्लान
बुझ्ने इच्छा नराख्न्लान
तर
एक्लो मानिस
धेरै व्यक्तिहरुको
धेरै कुरा सुन्छ , बुझ्छ
अनि थोरै मुस्कुराउँछ !!
एक्लो मानिस
आफैमा छट्पटाउछ
आफैसंग प्रस्न गर्छ
आफैले उत्तर दिन्छ !
ऊ एक्लै
त्यत्तिकै नहास्ला
तर
एक्लै अस्ताएर
एक्लै उदाउने
सूर्यलाई देखेर,
एक्लै फ़क्रेर
एक्लै फुलिरहने
फुललाई देखेर
र
एक्लै खेलिरहने
सानो बालकलाई देखेर
रमाइलो नमानि पनि रहने छैन
एक्लो मानिस!!!
कसले सोध्छ
एक्लो मानिसलाई
तिमी किन , कसरि एक्लो भयौ ?
कसले सोध्छ
एक्लो व्यक्तिलाई
तिमीलाई गहिरो चोट परेको छ ??
जतिसुकै एक्लो देखिए पनि
परिवार ,समाज ,देश
समय , जिन्दगि
र परिस्थिति
कहिँ केहि बाट पनि अलग हुदैन
एक्लो मानिस !!
