विराटनगर पुष २५, विराटनगर इन्टरनेसनल कलेजमा हरेक बर्ष झैँ यस वर्ष पनि कार्निभल आयोजना हुने भएको छ । कलेजमा पुष २७ गते शुक्रबारका दिन अटम कार्निभल आयोजना हुन लागेको हो । कार्निभल साथै सोहि दिन उत्कृष्ट बिद्यार्थीहरुलाई छात्रबृत्ति वितरणको कार्यक्रम समेत रहेको कलेजले जनाएको छ ।
उक्त कार्निभलमा युवाहरुमा चर्चित ब्याण्ड "रकहेड्स" को बिशेष प्रस्तुति कलेजका बिद्यार्थीहरुको लागि हुनेछ भने कलेजका बिद्यार्थीहरुको गायन तथा नृत्य , बिभिन्न खेल र खानाका स्टलहरु पनि राखिने कार्यक्रम रहेको छ। कलेजले आफ्नो स्थापनाको १०औ वार्षिकोत्सवको रुपमा पनि उक्त कार्यक्रम मनाउन लागेको हो ।
कलेजमा इन्टरनेसनल बिजनेस म्यानेजमेन्ट र इन्टरनेसनल हस्पिटालिटी म्यानेजमेन्टका बिद्यार्थीहरुले उक्त कार्यक्रमको पूर्ण ब्यवस्थापन गर्ने कलेजले जनाएको छ ।
बिराटनगर इन्टरनेशनल कलेजमा इन्टरनेशनल बिजनेस म्यानेजमेन्ट (बिआइबिएम) र इन्टरनेशनल हस्पिटालिटी म्यानेजमेन्ट पढाइ हुदै आएको छ ।
इनोभेट नेपाल ग्रुपको व्यस्थापनमा संचालित यस कलेजले विदेश नै गएर ठुलो लगानीमा अन्तरास्ट्रिय शिक्षा लिनुपर्ने बाध्यतालाई चिर्दै नेपालमै बेलायतका कोर्ष सर्वसुलभ खर्चमा पढाउदै आएको छ ।
