विराटनगर, १८ भदौ | ग्रेडेड सिंगिङ स्टार सिजन – २ ग्रेडेड बोडिङ्ग स्कूलमा सुरु भएको छ । विराटनगर ११ हाँटखोलमा रहेको स्कूल परिसरमा शुक्रबार देखी पहिलो अडिसन गरिएको हो ।
पहिलो अडिसनबाट ५० जना विद्यार्थी छनौट गरिएको स्कूलको प्रिन्सिपल प्रेमसिंह सुवालले जानकारी दिनुभयो । विद्यार्थीहरुमा भएको प्रतिभा उजागर गर्ने उद्देश्यले आयोजना गरिएको प्रतियोगितामा स्कूलका प्रतिभाशाली विद्यार्थीहरुले सो प्रतियोगितामा भाग लिएका थिए ।
प्रतियोगिताको निर्णायकहरुमा रेडियो नेपालका गायक रमा मण्डल, गायक प्रवलदिप विश्वास रहनुभएको छ । पहिलो अडिसनबाट छनौट भएका विद्यर्थीहरुलाई थप प्रशिक्षण गायक विश्वासले दिनुहुने भएको छ । प्रतियोगिताको विजेता हुनेले आकषर्ण ट्रफी प्राप्त गर्ने स्कूलले जनाएको छ ।
