विराटनगर । प्याब्सन विराटनगरको आयोजनामा अन्तर बिधालय यु-१५ प्रेसिडेन्ट कप फुटबल प्रतियोगिता सुरु भएकाे छ ।
विराटनगरकाे जुटमिलकाे खेलमैदानमा मंगलबारदेखि सुरु भएकाे प्रतियाेगितमा चार वटा स्कुल विजय भएकाे हाे ।
पहिलो दिनको खेलमा डि.ए.भि बोर्डिङ स्कुल, ग्यालेक्सी पब्लिक स्कुल, बि.के.भि.एम बोर्डिङ स्कुल र एभरेस्ट सेकेन्डरी स्कुल विजय हुँदै अन्तिम ८ मा प्रवेश गरेका छन् ।
पहिलाे खेलमा डिएभि स्कुलले सिद्वाथ स्कुललाई १-० गाेलले हराउँदै डिएभि अन्तिम आठमा पुगेकाे छ । खेलकाे म्यान अफ द म्याच सिद्वाथ स्कुलका आर्यन मगर घाेषित भए ।
यसैगरी दाेस्रो खेलमा टाइब्रेकरमा सनसाइन स्कुललाई ४-३ गाेलले निराश बाउदै ग्यालक्सि पब्लिक स्कुल बिजय भएकाे हाे । खेलकाे म्यान अफ द म्याच ग्यालेक्सीका शिव मणि चाैधरि भए ।
तेस्रो खेलमा टाइब्रेकरमा प्यारागन स्कुललाई ४-३ गाेलले पराजित गरि बिकेभिएम स्कुल बिजय भएको छ । खेलकाे म्या न अफ द म्याच बिकेभिएमका बिबिक राज पाण्डे घाेषित भए ।
चाैथाे खेलमा विराट शिक्षा निकेतनलाई २-० गाेलले हराउदै एभरेस्ट स्कुल बिजय भयाे । एभरेस्टका सक्षम श्रेष्ठ म्यान अफ द म्याच घाेषित भए ।
प्रतियाेगितमा विराटनगरका १६ वटा निजि विद्यालयकाे सहभागी रहेकाे प्रतियाेगिताकाे संयाेजक हिरा थापाले जानकारी दिए ।
