विराटनगर । हिसान स्पोर्टस् मिटको १२ औं संस्करण अन्तर्गत भएको बास्केटबलको उपाधि विकेभिएम स्कुलले हात पारेको छ । दौड प्रतियोगिताको उपाधि मेरिल्याण्ड कलेज र अर्किड कलेजले जितेका छन् ।
दिल्ली पब्लिक स्कुलमा भएको बास्केटबल प्रतियोगितामा विकेभिएम स्कुल विजयी हुँदै उपाधि हात पारेको हो । विकेभिएमले शिक्षादिप कलेजलाई ७४–२८ को स्कोरले पराजित गर्यो ।
फाइनल खेलको म्यान अफ दि म्याच प्लेअर विकेभिएमका आकाश चौधरी घोषित भए ।
मंगलबार भएको दौडमा अर्किड कलेजले १ सय मिटर छात्र, १ मिटर छात्रा र २ सय मिटर छात्रामा प्रथम स्थान हात पारेको छ भने मेरिल्याण्ड कलेजले २ सय मिटर छात्रमा प्रथम भएको छ ।
सय मिटर दौडतर्फ छात्रमा अर्किडका महमद सहमदले प्रथम स्थान हासिल गर्दा मेरिल्याण्डका राजकुमार चन्द्रवंशी दोस्रो र शिक्षादिपका निश्चल श्रेष्ठ तेस्रो भए।
सोही स्पर्धातर्फ छात्रामा अर्किडकी प्रियंका थन्दार प्रथम, शिक्षादिपका नेहा मण्डल दोस्रो र कान्तिपुरकी भुमिका चौधरी तेस्रो भइन् ।
त्यसैगरी २ सय मिटर दौडको छात्रतर्फ मेरिल्याण्डका राजकुमार चन्द्रवंशी प्रथम, कान्तिपुरका नितिस राजवंशी दोस्रो र शिक्षादिपका सुमित आर्याले तेस्रो स्थान हासिल गरे भने छात्रातर्फ अर्किडकी समीक्षा आचार्य, प्रथम, सिद्धाथकी तुलसा खतिवडा दोस्रो र चाहना पोखरेल तेस्रो भइन् ।
