-सविना श्रेष्ठ
पैसा हुँदा मात्र आफ्नो हुनेको घुइँचो देख्छु
पछि पछि लागेर खुट्टै धुनेको घुइँचो देख्छु।
तिमी ठूलो मान्छे बन्नु भन्दै मुखले ठिक्क पारी
भित्र हाँसो लुकाइ बाहिर रुनेको घुइँचो देख्छु।
घरको मुलथाम बाट दुस्मनको गोलि निस्कन्छ
कठैबरी लौ भन्दै सामु आउनेको घुइँचो देख्छु ।
जिउदो हुदा कहिले नबोल्ने आफ्नाहरु हेर्नुस्
अञ्जुलीमा पानी लि लास छुनेको घुइँचो देख्छु।
विराटनगर १२
