-सुजता डि.सी.
जहाँ मेरो देशलाई मनमा अटाउन सक्दैन
त्यहाँ सभ्यतालाई अटूट बनाउन सक्दैन
मान सम्मानको हितबाट देश पछि परेको हो
त्यहाँ खुशीका बहरहरू सजाउन सक्दैन
फूल फुलाउन पनि त सप्रेको बोट चाहिन्छ
बुझ्नुस् नसप्रेको बोटले फूल फुलाउन सक्दैन
बगैँचामा रहेका छन् अनेकौँ चाहाना र इच्छा,
भुमरीले पनि आफ्नो कार्य रचाउन सक्दैन
जसको भरपुर धन दौलत छैन यो लोकमा
उसले इज्जत प्रतिष्ठा पनि कमाउन सक्दैन
सजिलो नसोँच्नु यहाँ हेर्नलाई पनि गाह्रो छ
चित्त नबुझेको मनलाई यसै रिझाउन सक्दैन
