-इशु पन्त
भऱ्याङ चढ्दै चढ्दै चिप्लियो भने माथि उक्साउनु,
अनि आँखा अघिका सपना परिपक्क गर्न अघि बढ्नु।
मनमा गुमसिएका भावना खोतल्दै,
वर्तमान र भूतलाई तुलना गर्दै।
म आँखा भरीका आँसू रोक्छु,
र मिठास मुस्कानलाई खोज्छु।
अब बलेसीमा बसेर होईन,
म अन्तै गई सपनालाई बुन्छु।
सडकमा गाडी गुडे झै,
आकाशमा पन्छि उडे झै,
मलाई यी मेरा सपनाका गाडी उडाउनु र गुडाउनु छ।
मनमग्न दृश्य हेर्न थुप्रो खुड्किला पार गर्नु पर्ने,
अनेकौ सोच बर्सिनु पर्ने।
त्यही नि चर्को धुन सुनी ओछ्यानबाट बिउझिनु पर्छ,
भन्छ मेरा हृदयका ध्वनी।
