प्रेम देवान
जय मिडिया मेनेजमेन्ट प्रालि विराटनगरले आयोजनामा मिस्टर कोशीको पहिलो अडिसन विराटनगरमा सम्पन्न भएको छ ।
विराटनगरमा असोज १ गते भएको पहिलो अडिसनबाट १० जना मोडल छानिएका छन् ।
जय मिडीयाले विशेष गरी युवा पुरुषहरुलाई लक्षित गरी मिस्टर कोशी गर्न लागिएको जय मिडीया मेनेजमेन्ट प्रालिका निर्देशक जय राज रायले जानकारी दिए ।
निर्देशक रायका अनुसार कोशी अञ्चल मात्र नभएर नेपाल भरीका १६ देखी ३० बर्ष उमेरका युवा पुरुषले सहभागिता जनाउन सक्ने भएका छन् । मिस्टार कोशीका विजेतालाई नगद २ लाख तथा दोस्रो हुनेलाई थाईलेण्ड भ्रमण र तृतिय हुनेलाई २५ हजारको सपिङ गराउने भएको छ ।
साथै उनीहरुले अवार्ड संगै म्यान हण्ट ईन्टरनेशनलमा सहभागिता जनाउन सक्नेछन् । मिस्टर कोशीको दोस्रो अडिसन यही असोज ५ गते र फाईनल आगामी २९ गते विराटनगरमा गर्ने आयोजकले जनाएको छ ।
जय मिडिया मेनेजमेन्ट प्रालिले केही समय अगाडी मिस कोशी र मिस्टर एण्ड मिस एसएलसी सम्पन्न गरेको छ ।
