-जयन्ता खत्री सुधा
त्यसकारण पनि मैले यस्लाई धेरै जतन गरेको
यो बिर्सनेको तस्बिर हो सम्झाउने वजन गरेको
त्यो फुलको जिन्दगी लुछेर ढुङ्गाको चरण ढोग्न जान्छौं
तिमीले सुहाउँदैन यसरी धर्मको वर्णन गरेको
तिमी झैँ सँधै घुर्क्याइरहन्छ_ थर्काइरहन्छ मलाई
कोही छ आमा ठ्याक्कै याहाँ तिम्रै जस्तो मन गरेको
यो युग पनि देवकोटाको काव्य भन्दा फरक छैन
एउटा मुना ल्याउनुहोस् त याहाँ सँगै मदन गरेको
माया पिरती भन्ने चिज के राखेर बनाईएको हुन्छ ?
अरे! अरु कसैको लागि पनि के सारो जलन गरेको ?
