विराटनगर । ओबी मिडियाद्वारा संचालित आवर विराटनगरले यातायात व्यवसायी करिम अन्सारीलाई सम्मान गरेको छ । विराटनगर–१ पोखरीया बस्तीका अन्सारीलाई मंगलबार एक कार्यक्रमकाबीच सम्मान गरिएको हो ।
विराटनगर बसपार्कमा ओबी मिडिया प्रा.लि.ले सडक दुर्घटना न्यूनीकरण र ट्राफिक सचेतना विषयक सरोकार पक्षसँग छलफल गरेको थियो । करिमलाई दिइएको सम्मान–पत्रमा भनिएको छ 'श्री करिम अन्सारी ज्यू यातायात व्यवसायी, विराटनगर यातायात व्यवसायीको रुपमा सक्रिय जीवन बिताईरहनु भएका तपाईको नागरिकमैत्री सेवा भावना प्रेरित कार्यको प्रशंसा अतुलनिय छ । सामाजिक उत्तरदायित्व बहन गर्ने तपाईको प्रतिवद्धता अनुसारको कर्मले समाजलाई मार्गदर्शन गरिरहेको छ । आगामीको दिन अझै सुखमय बनोस् भन्ने कामना गर्दै ओबी मिडिया प्रा.लि. यो सम्मान पत्र प्रदान गर्दछ ।’
अन्सारीले विराटनगरमा गरिब असहायमा दुःख पर्दा समेत सहयोग गर्दै आएका छन् । उनले मलामी जानेका लागि निःशुल्क बस उपलब्ध गराउँदै आएका छन्। उनको सुकर्मले उनको व्यवसाय समेत दैनिक बढिरहेको छ । सहचालकबाट गाडीमा काम सुरु गरेका अन्सारीसँग अहिले चारवटा बस रहेका छन् । चार वटा बस मध्येका एउटा बस मलामी जानेहरुका लागि निःशुल्क दिदैं आएका छन् ।
उनलाई ओबीका अध्यक्ष विवेक दाहालले सम्मम पत्र प्रदान गरेका थिए ।
