-भूपाल अधिकारी
कसैले खास मनका बात मनमा छन् लुकाएका
सधैँ देखेँ बदनको प्यास आँखाले बुझाएका
चढाए फूल ढुङ्गामा सबैले देवता ठान्दै
कहीँ कसले देखेकाछौं कुनै मूर्ति रसाएका
जो होला भाग्यमा जसको उही लेख्छन् विधाताले
त्यसैकारण सबै आफ्ना हुँदैनन् मन पराएका
हजारौँ स्वप्नका ढल्छन् उसैका हर महल जहिल्यै
हमेशा बालुवामा घर थिए जसले बनाएका
हुनेछन् एक दिन मान्छे तिनै बिस्फोट बम जस्तै
युगौँदेखि स्वयम् दिलमा रहरलाई दबाएका
