-पारस भट्ट प्यासी
मुक्तक १
मान्छेको मन हो केही पनि गर्न सक्छ
मान्छेकै हातबाट यहाँ मान्छे मर्न सक्छ
भाइ बन्धुमा यसैगरी रिस बढ्दै गयो भने,
एकदिन हाम्रो गाउँ दुर्घटनामा पर्न सक्छ!
मुक्तक २
आपस आपस् मै लडेर ,भिरेर के फाइदा?
मरेर जाने चोला हो रिस राखेर के फाइदा ?
सबैसँग मीठो बोलौँ आत्मीयता बढ्छ,
एक अर्काको खैरो खनेर के फाइदा ?
मुक्तक ३
बाँडिचुडी खाउँ मरेर के लाने हो कसैले पनि
आँखिर आफ्नो मेहेनतको खाने हो कसैले पनि
धेरै आपलोभ पनि के गर्नु यहाँ अमर रहन्न कोहि ,
एकदीन अबश्य संसार छोडी जाने हो कसैले पनि !
मुक्तक ४
मैले जानेको म सिकाउछु तपाइले जानेको तपाई
मीठो बोलौँ गाली गर्नु राम्रो हौइन कसैले कसैलाई
अरुको लागि सधैंभरी नराम्रो मात्रै सोच्ने मान्छेले,
पुर्खाहरु भन्छन् सास जान्छ मर्नेबेला पानी नपाई!
सुदुरपश्चिम,बैतडी
