-दिपेन्द्र आचार्य "सुमी"
मुक्तक १
हरियो खाएर रातो थुक्ने पान कस्तो
देश लुटेर मन्दिरमा गरिने दान कस्तो
मान्छे मात्रै भएर के हुन्छ गुण नभए
सबैलाई ठगेर कमाएको इमान कस्तो?
मुक्तक २
गुलाफको बोटमा फूलसङ्गै काँडा पनि फुलेको हुन्छ
सङ्लो देखिने पानीमा अनेक थोक घुलेको हुन्छ
एउटै आकाशमा बाच्ने गर्दछ अन्धकार र ताराहरु
जिवन यात्रामा सफलतासङ्गै संघर्ष डुलेको हुन्छ।।
मुक्तक ३
मेरै आकाशको उज्यालो जून हौ तिमी
जीवनलाई सुन्दर बनाउने सुन हौ तिमी
अस्तित्वहीन बन्छु तिम्रो अभावमा सधैं
आमा! जीवनको स्वादिलो नून हौ तिमी।।
मुक्तक ४
पशुपतिनाथ कुल मेरो
लाली गुरास फूल मेरो
रोम रोममा नेपालीपन छ
नेपाल आमा मुल मेरो।।
पशुपति नगर,सुर्योदय नगरपालिका-२ इलाम
