- सृष्टि सावित्रा
एकपटक बिग्रिए अर्को घर हुन सक्दैन
यो बाध्यता हुनुसक्छ रहर हुन सक्दैन
हजारौँ सँग प्रेम गर्ने तिम्रो चाहना होला
याद राख!पहिलो जस्तै अमर हुन सक्दैन
तँ पत्थरलाई पुजा गर्छस् बाआमा बिर्सिएर
बाबु यो आमाको मन हो पत्थर हुन सक्दैन
बरू काँडा भन मलाई हाँसेर स्विकारिदिन्छु
कहिल्यै यो दिल धारिलो खन्जर हुन सक्दैन
तिम्रो अन्तिम बिदाईमा उपहार दिएको छु
सम्झिनु अब मिलन जीवनभर हुन सक्दैन
