तर हामी त जनताकै लागि हौं
सत्य सत्य धरोधर्म
यो बन्द हाम्रै लागि हो
कृपया बुझिदिनुस् मर्म
ओई केटो उता हेर् त
बन्दको अवज्ञा गर्ने को त्यो साला
फुटाईदे बाईक जलाईदे गाडी
अनि पो अरुको नि सात्तो जाला
देशको लागि लड्दैछौं
नेताको भुँडी भर्दैछौं
कति दिन हामी अन्धो भई बस्ने ?
दाजुभाई लडेरै मर्दैछौं!!
देश र जनताको लागि भन्दै
स्कुल कलकारखाना किन बन्द गर्दैछौं?
आउ अब बदलौं
यी राजनैतिक कुसँस्कारहरु
नेताकै घर दैलोमा गई
सम्झाऔं न उनीहरुलाई बरु !!
राजनैतिक कुसँस्कार बदल्नु बाहेक
छैन देश बनाउने विकल्प अरु !!!
नेताकै घर दैलोमा गई
सम्झाऔं न उनीहरुलाई बरु
