-सुरेश कुमार पाण्डे
हाम्रो देशमा न खोला न बगर सुरक्षित छ
अरू कुरै छाडौँ न आफ्नै घर सुरक्षित छ
मित्र चोरलाई चाबी दिएपछि त हुन्छ यस्तै
ढुक्क पर्ने अबस्था छैन न सहर सुरक्षित छ
देशभक्त शहीद भए देश र जनताको लागि
उनिहरूकै न यो देशभित्र कदर सुरक्षित छ
थोत्रा वहान झरझर पुल र भित्किन्छ बाटो
गुल्टिन्छ गाडि याहाँ नत सफर सुरक्षित छ
मदिरामा डुबेका मानव भन्छन् धार्मिक हौँ
चढ्छ बली जताततै न जनाबर सुरक्षित छ।
कस्तो देश बनाए हाम्रा नेताहरूले आज यो
आकास सुरक्षित न मित्रको भर सुरक्षित छ।
घोराही-१८,दाङ
