काठमाडौं । एभरेष्ट महिला भलिबल लिग प्रतियोगितामा कर्णाली यश्विज लगातार तेस्रो खेलमा विजयी भएको छ ।
बुधबार त्रिपुरेश्वरस्थित राष्ट्रिय खेलकुद परिषद्को कर्भडहलमा भएको खेलमा कर्णाली यश्विजले ललितपुर क्विन्समाथि ३–० सोझो सेटमा जित निकालेको छ ।
लगातार तेस्रो खेलमा जित निकालेसँगै कर्णाली अंक तलिकाको शीर्ष स्थानमा पुगेको छ । ललितपुरले पनि यसअघि लगातार दुई खेलमा जित्न सफल भएको थियो भने यो पहिलो हार हो ।
कर्णालीले ललितपुरमाथि पहिलो सेट २५–२२ ले, दोस्रो सेट २५–२२ ले र तेस्रो सेट २९–२७ ले जित हासिल गरेको हो ।
