-सरु श्रेष्ठ "उदासि"
१ मुक्तक
बनाएर सपना बरु कम भन्दा कम हारिदिने छु
यति सुन कदम कदम हारिदिने छु
जितको चर्चा चल्छ रे तिम्रो सहरमा
म जितेर पनि प्रिय कसम हारिदिने छु
२ मुक्तक
चलि रहेको छ सास मरेको छैन
यहि कुरा त हो खास मरेको छैन
उ अरुकै मान्छे बनी सक्दा पनि,
मलाइ उस्को हुने आस मरेको छैन
३ मुक्तक
नबस्नु है भाबुक बनी चित्त नदुखाउनु
अर्को बर्ष आउँछु म नि चित्त नदुखाउनु
समय र परिस्थिति यस्तै भयो आमा
छोरी माइत आइन भनी चित्त नदुखाउनु
४ मुक्तक
सकियो यो जुनि पनि सुनाइदिनु होला
एकचोटि भावुक बनी सुनाइदिनु होला
छोडी जाने बैगुनिले सोध्यो भने मेरो बारे
तिम्रै पिरले पर्यो भनी सुनाइदिनुहोला
झापा
