-भावना उपाध्याय
मुक्तक १
प्रेम गर्यौ कस्तो खाले? यत्ति सोध्नु छ।
रहरले कि वाध्यताले? यत्ति सोध्नु छ।
के भुल भयो म बाट? के गल्ती गरेँ?
मन दुखायो के कुराले? यत्ति सोध्नु छ।
मुक्तक २
तिम्रै हातले दबाऊ गला अरु के चाहियो?
मृत्यु देऊ मायाको बदला अरु के चाहियो?
कस्ले सक्छ तिमीलाई मुखले ठिक्क पार्न,
जानेकै छौ झुट बोल्ने कला अरु के चाहियो ?
मुक्तक ३
साइनो जोडि मेरै समिप बन्ने धेरै हुन्छन्।
मलाई पनि आफन्त मै गन्ने धेरै हुन्छन्।
सक्छौ भनेँ दुःख पर्दा नजिक बन तिमि,
सुखमा त म छु तेरो भन्ने धेरै हुन्छन्।
मुक्तक ४
चोखो वस्त्र शरिरमा लाउँदैमा पुन्य कसरी हुन्छ?
भन्नुस् दैनिक मन्दिर धाउँदैमा पुन्य कसरी हुन्छ?
भ्रममा राख्न, ढाँट्न, छल्न, माहिर मान्छे हजुर,
मासु नखाँदैमा भजन गाउँदैमा पुन्य कसरी हुन्छ?
बराहताल गाउपालिका-२,
हरिहरपुर "पाग्मा"
सुर्खेत।
