प्रेम देवान
विराटनगर, १४ पुस ÷ गत भदौ महिना देखी विराटनगरमा सुरु भएको एसबीएससी सिंगीन स्टार सिजन – थ्रीको उपाधी डान ईङ्गिलस सेकेण्डरी बोडिङ्ग स्कुलमा अध्ययरत विराटनगर – १ की दिव्या गिरी जितेकी छिन् ।
संस्थागत विद्यालय बचत तथा ऋण सहकारी संस्था लि. मोरङको आयोजनामा विराटनगरमा शुक्रबार सम्पन्न भएको फाइनलमा १४ जना प्रतिस्पर्धीलाई पछि पार्दै १५ बर्षिय दिव्याले ‘बनेको छ पहाराले ...... बोलको गीत कर्णप्रिय तरीकाले गाएर उपाधि जित्न सफल भएकी हुन् । 
उपाधिसँगै दिव्याले नगद २५ हजारको साथै ट्रफी प्राप्त गरीन । प्रतियोगिताको फस्ट रनरअफ विराटनगर १७ मा रहेको स्टार बोडिङ्ग स्कुलका १७ वर्षिय सुशान्त रेग्मी भए भने सेकेन्ड रनरअफ राईजिङ्ग नेपाल बोडिङ्ग स्कुलका ग्रिसम श्रेष्ठ भए ।
उनीहरुले क्रमश १५ हजार र १० हजार रुपैयाँसहित ट्रफी प्राप्त गरेका थिए ।
फाईनल राउण्डको निर्णाकहरुमा बरिष्ट संगीतकार बसन्त सापकोटा, गायक प्रवलदिप विश्वास, ज्योती सुब्बा, विकेश के शंकर, राम राउत लगायत रहनुभएको थियो । बिजेता हुने विद्यार्थीहरुलाई प्याब्सन मोरङका सल्लाकार टिकाराम पुरी, मोरङ अध्यक्ष बासुदेव न्यौपाने, कोषाध्यक्ष इन्द्र राई सहकारीको अध्यक्ष विष्णु डंगोल, कार्यक्रम संयोजक रीना थापा लगायले बिजेता हुनेलाई पुरस्कार वितरण गर्नुभएको थियो ।
कार्यक्रममा बरिष्ट संगीतकार बसन्त सापकोटा, गायक प्रवलदिप विश्वास, ज्योती सुब्बा, विकेश के शंकरले गीत पनि गाएको थिए ।
