विराटनगर । विराटनगर महानगरपालिका–१५ स्थितबाट लागुऔषध गाँजा बोकेको भारतिय नम्बरको कार प्रहरीले नियन्त्रणमा परेको छ ।
आइतबार कोशी प्रदेश प्रहरी कार्यालय बिराटनगरको प्रादेशिक अनुसन्धान समुहबाट खटिएको प्रहरी टोलीले चेकजाँचको क्रममा नेपालबाट भारत तर्फ जाँदै गरेको बीआर ३८ एडब्लु ३७७६ नम्बरको कारको डिक्किबाट गाँजा बरामद गरेको हो ।
कारमा लुकाई छिपाई राखेको अवस्थामा १ सय ३ किलोग्राम लागुऔषध गाँजा फेला परेपछि नियन्त्रणमा लिई इलाका प्रहरी कार्यालय रानीबाट अन्य थप अनुसन्धान भईरहेको प्रदेश प्रहरी कार्यालयले जानकारी दिइएको छ ।
