विराटनगर । गोरखाबाट विराटनगर आईपुगेका कैलाशकुमार गुरुङलाई कुटपिट गरेर सख्त घाईते बनाउन संलग्न आरोपमा प्रहरीले विराटनगर ११ घर भएका राजकुमार सहनीलाई पक्राउ गरेको छ ।
गत कात्तिक ४ गते बिहान गुरुङलाई नियन्त्रणमा लिएर कुटपिट तथा अंगभङ्ग बनाएको आरोपमा २४ वर्षीय ‘बब’ भनिने सहनीलाई आइतबार बेलुका पक्राउ गरिएको हो ।
गुरुङलाई कुटपिट गरेर उनको दुवै हात भाँचिएको र टाउकोमा गम्भीर चोट लागेको छ । प्रहरीले घटनास्थलको सुक्ष्म अवलोकन तथा अनुसन्धान, गोप्य रुपमा सोधपुछ तथा सिसी टीभि फुटेज समेतको अध्ययन÷विश्लेषण गर्दा घटनामा संलग्नको पहिचान खुलेको थियो ।
‘बब’ भनेर चिनिने २४ वर्षीय राजकुमार सहनीले घटना घटाएको तथ्य स–प्रमाण खुलाएको प्रहरीले बताएको छ । उनलाई आइतबार बेलेका ९ बजे बिराटनगर–११, बसपार्कबाट नियन्त्रणमा लिई “कुटपिट तथा अंगभंग” शिर्षकमा मुद्दा दर्ता गरी थप अनुसन्धान कार्य अघि बढाईएको प्रहरी नायव उपरीक्षक बेदप्रकाश जोशीले जानकारी दिएका छन्।
