-अरुण खड्का
अँध्यारो रातमा मन्दाकिनी झलमल कहाँ हुन्छ
भुईँमान्छेको पीडा दुःखमा छलफल कहाँ हुन्छ
दियो जसले सधैँ दिलमा अनौठा चोटका पोका
उसैको सम्झनामा मन सधैँ तलतल कहाँ हुन्छ
नखाएको जहर लाग्यो सबै सपना खरानी भो
मरेको चाहना बोकी हृदय झलझल कहाँ हुन्छ
हुँदा साथी पराई ढुकढुकी साहृै भयो दुःखी
ऊ भन्थ्यो जिन्दगी हाम्रो सधैँ दुर्बल कहाँ हुन्छ
बसेको हुन्छ हरकोही उज्यालोको प्रहर पर्खी
उदाएनन् भने सूर्य निशाको हल कहाँ हुन्छ
