विराटनगर । मोरङ र सुनसरीमा दुई छुट्टाछुट्टै दुर्घटनामा परी दुईजनाको मृत्यु भएको छ । कोशी प्रदेश प्रहरी कार्यालयका अनुसार बुधबार बिहानका राती पौने १ बजे मोरङको बुढिगंगा गाँउपालिका २ सक्मा स्थित भित्री सडक खण्डमा टंकिचोकबाट सक्मातर्फ जाँदै गरेको प्रदेश १–०२–०४५ प ९३५७ न. को मोटरसाईकल आफै अनियन्त्रित भई दुर्घटना हुँदा गम्भिर विराटनगर ४ का २१ बर्षीय श्याम गडेरीको मृत्यु भएको हो । घाईते गडेरीलाई उपचारको लागी विराट टिचिङ अस्पताल भर्ना गरिएपनि चिकित्सकले मृत घोषणा गरेका थिए ।
यसैगरी मंगलबार बेलुका पौने ८ बजे सुनसरीको इटहरी उपमहानगरपालिका २० स्थित भित्र सडक खण्डमा तरहरा बजार तर्फ आउदै गरेको को ३८ प २००९ नं. को मोटरसाईकल आँफै अनियन्त्रित भई सडकको दाँहिने तर्फको बिजुलीको पोलमा ठोक्किई दुर्घटना हुँदा टाउकोमा चोट लागी गम्भिर घाईते भएका चालक इटहरी १९ का ३१ बर्षीय विजय राईको बि।पि।कोइराला स्वास्थ्य बिज्ञान प्रतिष्ठान धरानमा उपचारको क्रममा मृत्यु भएको थियो ।
