विराटनगर । उच्च माध्यमिक शिक्षालय संघ (हिसान) मोरङले आयोजना गरेको खेल सप्ताह अन्तर्गत पुरुष फुटबलमा मोडर्न एरा, सगरमाथा र होलीचाइल्ड विजयी भएका छन् ।
बुधबार भएको पहिलो खेलमा मोडर्न एरा स्कुलले ग्रिनल्याण्ड कलेजलाई १–० को गोल अन्तरले पराजित गरेको छ । एक मात्र निर्णायक गोल मोडनै एराका अविशेक मगरले गरेका थिए । उनी खेलको प्लेयर अफ द म्याच घोषित भए ।
दोस्रो खेलमा सगरमाथा कलेजले नेशनल एकेडेमीलाई ४–० गोलको अन्तरले पराजित गरेको छ । सगरमाथाका प्लेयर अफ द म्याच सोसेहाङ लिम्बु, प्रशान्त राई, साइमन बस्नेत र महमद स्यामुलले १–१ गोल गरे ।
तेस्रो खेलमा होलीचाइल्ड कलेज उर्लाबारीले विराटनगरको भानु कलेजलाई ३–० को गोल अन्तरले पराजित गरेको छ । उर्लाबारीको जितमा अविशेक मगरले २ गोल र उदय भुजेलले १ गो गरे । भुजेल खेलको प्लेयर अफ द म्याच घोषित भए ।
बिहीबारदेखि वैजनाथपुर क्रिकेट मैदानमा क्रिकेटका खेलहरु हुने आयोजकले जनाएको छ ।
