बिराटनगर फाल्गुन २८ , विराटनगरमा होलीको अवसरमा वाकाथोन गरिने भएको छ । राउन्ड टेवल नेपालको आयोजनामा फाल्गुन २९ गते बिहान ७:३० बजे अतिथि सदनबाट वाकाथोन आयोजना गरिने भएको हो । सडकमा होली खेल्दै हिड्दै वाकाथोन मनाइने आयोजकले जनाएको छ । कार्यक्रमको मुख्य आकर्षणमा महानायक राजेश हमाल सामेल हुने भएका छन् । "फरक नेपाली फरक रङ , हामी नेपाली एक रङ" भन्ने नाराका साथ उक्त कार्यक्रम आयोजना हुन लागेको हो ।
