रुपन्देही, चैत १ – रुपन्देहीमा मंगलबार भएको मोटरसाइकल दुर्घटनामा श्रीमान श्रीमतीको ज्यान गएको छ ।
लु ९ प ४४८८ नम्बरको मोटरसाइकललाई पश्चिमबाट पूर्वतर्फ आइरहेको लु १ ज २२३० माइक्रोले सैनामैना-२ झारगैरामा ठक्कर दिँदा स्थानीय ४८ वर्षका नारायण खनाल र उहाँकी ३२ वर्षकी श्रीमती कमला खनालको ज्यान गएको हो ।
बाटो मोड्ने क्रममा माइक्रोले ठक्कर दिएपछि गम्भीर घाइते भएका खनाल दम्पतीको उपचारको क्रममा लुम्बिनी अञ्चल अस्पताल बुटवलमा ज्यान गएको क्षेत्रिय ट्राफिक प्रहरी कार्यालय बुटवलले जनाएको छ ।
