विराटनगर। विराटनगर २ शंकरपुरको खाली मैदानमा जारी ‘मातृभूमि नेपाल महोत्सव’मा आज साँझ चर्चित डान्सर प्रिती पासवान र गायिका एन्जिला रेग्मी आउने भएका छन् ।
आयोजक समितिका विक्की भगतका अनुसार आज साँझको महोत्सवमा अहिलेकी निकै नै चर्चित मानिएकी डान्सर प्रिती पासवान र गायिका एन्जिला रेग्मीको प्रस्तुति रहने जनाइएको छ ।
केहीदिन अघिदेखि सुरु भएको यस महोत्सवमा दैनिक रूपमा विभिन्न स्थानिय र राष्ट्रिय चर्चित कलाकारहरुले आफ्नो प्रस्तुति रहने जनाइएको छ । महोत्सवमा बालबालिकाहरुका लागि मनोरञ्जनात्मक खेल तथा कार्यक्रमका अतिरिक्त विभिन्न प्रकारका खानाका स्टलहरु समेत राखिएका छन्।
मातृभूमि नेपाल महोत्सव विराटनगरवासीहरुका लागि मनोरञ्जनको राम्रो अवसरमाको लागि मेला आयोजना गरेको जनाएको छ । महोत्सवमा आयोजकले आगामी दिनहरुमा पुर्ण राई एण्ड दाजुभाई र सविन राईलाई पनि ल्याउने तयारी गरेको आयोजक समितिका रेवत केसीले जानकारी दिए । महोत्सव हेर्न आएका दर्शकहरुबाट काटिएको टिकटबाट उठेको रकम मातृभुमी नेपाललाई सामाजिक कार्य अन्तर्गत सहयोग गर्ने केसीले जनाकारी दिए ।
