विराटनगर । शिक्षा तथा भिसा सेवामा कार्यरत फोरनेशन्स इन्टरनेशनल विराटनगर शाखाले स्थानीय संगीत कलाकारहरूलाई सहयोग गर्ने प्रतिबद्धता व्यक्त गरेको छ।
गत जेठ ९ गते सार्वजनिक भएको 'आजाद पंछी' म्युजिक भिडियोको एजुकेशन पार्टनरको रुपमा रहेको फोरनेशन्स इन्टरनेशनलले आगामी दिनहरूमा समेत विराटनगरका ब्याण्ड र म्युजिसियनहरूलाई सहयोग गर्ने फोरनेशन्स इन्टरनेशनल विराटनगर शाखाका रंजन चौलागाईले बताए।
चौलागाईले स्थानीय कलाकारहरूको प्रतिभालाई प्रोत्साहन गर्न र उनीहरूका कलात्मक कार्यहरूलाई समर्थन गर्न संस्था सधैं तत्पर रहेको जानकारी दिए। यस्तो सहयोगले स्थानीय संगीत उद्योगको विकासमा योगदान पुर्याउने अपेक्षा गरिएको छ।
अष्ट्रेलिया-आधारित यो संस्थाले शिक्षा र करियर परामर्शका साथै कलाक्षेत्रका युवाहरूलाई समेत प्रोत्साहन गर्दै आएको छ।
