रंगेली । मोरङको रंगेली–कानेपोखरी सडक खण्ड अन्तर्गत दर्बेसा चोक नजिकै ट्याक्टरले मोटरसाइकललाई ठक्कर दिदाँ एकजनाको मृत्यु भएको छ । मृत्यु हुनेमा रंगेली नगरपालिका १ बबियाका ३२ वर्षीय केदार न्यौपाने रहेका छन् ।
प्रदेश १–०२–००३–२८५६ नम्बरको ट्याक्टर खेतजोतेर फर्केने क्रममा कानेपोखरीबाट रंगेली आउँदै गरेको को ३९ प ३९३२ नम्बरको मोटरसाइक ठोकिएको थियो ।
त्यस क्रममा चालक न्यौपानेको मृत्यु भएको थियो भने मोटरसाइकलमा पछाडी सवार रंगेली १ बस्ने राजन भट्टराई घाइते भएका छन् । घाईतेको विराटनगर स्थित नोबेल अस्पतालमा उपचार भइरहेको प्रहरीले जनाएको छ । ट्याक्टर चाकल रंगेली ८ बस्ने जीवन ताजपुरीया फरार रहेको उनको खोजिकार्य समेत भईरहेको रंगेली प्रहरीले जनाएको छ।
