विराटनगर । विराटनगरबाट ब्राउन सुगरसहित दुई जना पक्राउ परेका छन् । विराटनगर महानगरपालिका–१४ मलाया रोडबाट १७४ ग्राम ३१ मिलिग्राम ब्राउन सुगर शनिबार राती बरामद भएको हो ।
ब्राउन सुगरसहित विराटनगर – १२ का २३ वर्षीया रोशनलाल महतो र भारत बिहारको अररियाका २१ वर्षीय पवनकुमार यादवलाई पक्राउ गरिएको मोरङ प्रहरीका प्रवक्ता कोपिला चुडालले जानकारी दिएकी छिन् । उनीहरुको साथमा रहेको को ३० प ४१० नम्बरको मोटरसाइकल पनि बरामद भएको छ ।
