विराटनगर । जेन्जि आन्दोलनका क्रममा तोडफोड र आगजनीबाट मोरङ जिल्ला प्रशासन कार्यालयमा रहेको सवारी साधन, कम्प्युटर सेट, प्रिन्टर, स्क्यानर, टेबल, कुर्सी, फर्निचरलगायतका सामान चोरी र नष्ट भएपछि कार्यालयको सामान्य सेवा प्रवाह प्रभावित भएको छ।
जिल्ला प्रशासन कार्यालय, मोरङले मंगलबार जारी गरेको सूचनामा अत्यावश्यक सेवा भने निरन्तर रहने जनाएको छ। कार्यालयले २०८२ साल असोज ८ गतेदेखि नाबालक परिचय पत्र,जातीय सिफारिस, ठाडो उजुरी तथा पेन्सन सिफारिस सम्बन्धी सेवा मात्र संचालन हुने जनाएको हो।
अन्य साधारण सेवाहरु तत्काल सञ्चालन हुन नसक्ने भन्दै कार्यालयले सर्वसाधारणलाई असुविधा बेहोर्नु नपर्ने गरी सहयोग गर्न आग्रह गरेको छ।
