विराटनगर, २९ चैत । सिपी मैनालीले नेतृत्व गरेको नेकपा मालेले विराटनगरको मेयर र उपमेयरका लागि उम्मेदवार सिफारिस गरेको छ ।
मालेले मेयरका लागि जिल्ला पार्टी सचिव देवी पौडेल, उपसचिव नारायाण प्रसाद चौधरी र जिल्ला सदस्य लिलोमोहन राजवंशीलाई सिफारिस गरेको छ ।
उपमेयरका लागि जिल्ला सदस्य चन्द्रकला सिवाकोटी र पानु पासवानको नाम सिफारिस गरेको पार्टीले जनाएको छ । नेकपा मालेले विराटनगरमा करिब ३ हजार आफ्नो मतदाता रहेको दाबी गरेको छ ।
वडामा अहिलेको वडा नम्बर ६ आफ्नो बलियो पकड रहेको दाबी सो पार्टीका सचिव देवी पौडेलले गर्नुभयो । सो वडाका लागि पार्टीले पृथ्वीनारायण पासवानलाई अध्यक्षमा उठाउने भएको छ ।
